پارێزەری کردن بۆ مامەڵەیەک کە سووی تێدایە.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بە تەئکید، چونکە تۆ موعامەلەیەک ئەکەی کە بە سوو وەرگیراوە، پێغەمبەری خواش (ﷺ) لەعنەتی کردووە لەو کەسانەی کە سوو ئەخۆن، لەو کەسانەی کە سوو ئەدەن، وە لەعنەتی کردووە لەو کەسانەی کە شایەتن لە وەرگرتنی سووەکە، وە لەو کەسانەش کە کەفیلن یان کاتبن لە وەرگرتنی سووەکە، لەبەر ئەوە سوو شتێکی (محرم لذاته)یە، بۆ خودی خۆی حەرامە، هەر کەس شتێک بە شێوازێک لە شێوازەکان پەیوەندیەکی ڕاستەوخۆ یان ناڕاستەوخۆی بگرێ بە شتێکی سووەوە هەبێ مەلعون ئەبێ، بۆیە ئەم عەقدەی کە ئەم بەڕێزە کردوویەتی (40) ملیۆنی بە سوو وەرگرتووە، دواتریش نەیداوەتەوە، (35) ملیۆن غەرامەی تەئخیری هاتۆتە سەر موعامەلەکە، لە کۆیدا حەرامە، جەنابت هیچ پەیوەندییەکت پێوەی نەبێ بۆ دینی سەلامەتە، حەرامە چونکە ئەو کارە خوای گەورەش زاناتره