کارکردن لای کەسێک کە دەستکاری کێش و بەرواری کاڵاکانی دەکات.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەمە بەڕێزان ئەم کارە حەرامە، وەگەر بەڕێزیشت لای ئەم پیاوە ئیش بکەی هەر حەرامە، وە ڕزقەکە حەرامە وە کەسابەتەکە حەرامە، ئەم فرۆشیارە بەڕێزانە پێویست دەکا بەڕێزان ئێمە سادیق بین، پێغەمبەری خوا (ﷺ) ئەفەرمووێ: (ئەگەر کڕین و فرۆشتنتان کرد بە بێ غەش.. )، تۆ ئەم کاڵایەی کە فرۆشتووتە بەروارەکەی هی پارە بە خەڵک بڵێ هی پارە، هی ئەمساڵ بە نرخی خۆی بفرۆشە، هی پار بە نرخی خۆی بفرۆشە، کە تۆ ئەڵێی هی ئەمساڵە خەڵک ئەخەیتە چاڵ، تۆ درۆ لەگەڵ خەڵکدا ئەکەی، وە کوالێتی بەرهەمەکەی پار لەگەڵ بەرهەمی ئەمساڵ فەرەتی هەیە، خەڵک بزانی هی پارە بەو نرخە نایکڕێ، کەواتە ئەمە خاڵی یەکەم. خاڵی دووەم: دەستکاری کردنی کێشی کاڵاکە، ئەمەش خۆی بۆ خۆی حەرامێکی ترە، تۆ دزی ئەکەی، یەعنی تۆ چۆن ئەڵێی بە کیلۆ ئەیفرۆشی بەڵام لە کیلۆ کەمترە غرامی ئەو شتەی کە تۆ فرۆشتووتە، لەوانەیە موشتەریەکە هەستی پێ نەکا چونکە کەس ناچێ بیکێشێتەوە تۆ تەعلیبی ئەکەی، بەڵام خۆ خوای گەورە ئاگادارە وە موشتەریەکەش بەو وەزبە ئەیکڕێ کە تۆ پێت داوە، دواتر ئەمە وەزنەکە وەکو خۆی دەرناچێ بەدڵنیاییەو ئەمە حەرامە وە نەک پارەی شاگردەکە حەڵاڵە کە لەم بەڕێزەی وەرئەگرێ، نە خاوەنکارەکەش داهاتەکەی حەڵاڵەکە لەم جۆرە کە سابەتە پەیای ئەکا خوای گەورەش زاناترە