سەرۆکی ژیار سەردانی نوێنەرایەتی حکومەتی هەرێمی کوردستان لە لەندەن دەکات..

سەرۆکی ژیار سەردانی نوێنەرایەتی حکومەتی هەرێمی کوردستان لە لەندەن دەکات..

لەندەن - ڕۆژی سێشەممە، ١٤ی تشرینی یەکەمی ٢٠٢٥، پڕۆفیسۆر خالد محەمەد ساڵح، سەرۆکی ڕێکخراوی ژیار، بەیاوەری مامۆستا جەبار دوکانی، بەرپرسی پەیوەندییەکانی لقی بەریتانیای ژیار، سەردانی نوێنەرایەتی حکومەتی هەرێمی کوردستانیان لە لەندەن کرد. لە دیدارەکەدا، بەڕێزان کاروان جەمال تاهیر، نوێنەری حکومەتی هەرێمی کوردستان لە لەندەن، و هەردوو بەڕێز خەسرەو ئاشگەیی و هاوڕێ وەحید یوسف، بە گەرمی پێشوازییان لە شاندەکە کرد. بابەتی سەرەکی گفتوگۆکان، کار و چالاکییەکانی ڕەوەندی کوردی لە بەریتانیا بوو. پڕۆفیسۆر خالد جەختی لەسەر گرنگی هەماهەنگی و یەکخستنی تواناکان کردەوە بۆ خزمەتکردنی زیاتری ڕەوەندی کوردی و ئامادەیی ڕێکخراوی ژیاریشی بۆ ئەم مەبەستە دەربڕی. لە بەرامبەردا، بەڕێز کاروان جەمال تاهیر، باسێکی دەربارەی کار و چالاکییەکانی نوێنەرایەتی حکومەتی هەرێم لە بەریتانیا پێشکەش کرد و ئامادەیی خۆیان بۆ هەر جۆرە هاوکاری و هەماهەنگییەک کە لە خزمەتی ڕەوەندی کوردیدا بێت، دووپاتکردەوە.